|
|
|---|---|
Pjesme iz Svetog Petra Orehovca Ovdje možete pročitati narodne pjesme koje su se u 19. stoljeću pjevale u selu Mikovcu. Godine 1860. zapisao ih Stanko Miholić.
Originalni rukopis učenici 8.b pronašli su (14.2.2013.) u arhivu Odsjeka za etnologiju Hrvatske znanosti i umjetnosti u Zagrebu. Rukopis je arhiviran pod naslovom: Narodne pjesme iz Mikovca, obćina Sv. Petar pod žup. Križevci, 1877.
(1860), mh 104, 48 str. Lokalitet: Hrvatska; sjeverozapadna: okolica Križevaca, Mikovec II. Folklorna građa: 38 lirskih (kajkavskih) pjesama
Prva od 38 pjesama iz originalnog rukopisa Stanka Miholića
Za prijepis originalnih pjesama zahvaljujemo dr. sc. Tanji Baran, koja nam ga je ustupila. Dr. Baran je Miholićeve pjesme uvrstila u svoju doktorsku disertaciju "Usmenoknjiževno nasljeđe križevačkoga kraja u kontekstu hrvatske književnosti 19. stoljeća".
/38 pjesama sakupljenih u Mikovcu, općina Sv. Petar Orehovec, kotar
Križevci, 1860.godine/ ALFABETSKO KAZALO PO PRVIM STIHOVIMA
Redni broj:
Napomene iz doktorske disertacije dr. sc. Tanje Baran MIHOLIĆ STANKO: NARODNE PJESME. /38 pjesama sakupljenih u Mikovcu, općina Sv. Petar Orehovec, kotar Križevci, 1860.godine/
Ova zbirka je napisana na listićima papira, formata 16¨. Svaka pjesma
na posebnom papiriću. Pjesme su numerirane rednim brojevima, koji
su identični sa brojkama ovoga prepisa. Rukopis je u cijeloj zbirci
isti. Sakupljač se nigdje nije potpisao, niti je zbirku datirao.
Na omotu, u kojem su stavljeni listići ispisano je plavom olovkom
drugim rukopisom ime sabirača: Miholić Stanko. To je izgleda onaj
poznati profesor stenografije sa gornjogradske gimnazije u Zagrebu.
U Matičinom štampanom popisu rukopisa navedeno je, da zbirka potječe
iz god. 1860. U ovom prepisu prepisane su sve pjesme pod istom numeracijom
kao i u originalu. Pravopis nije mijenjan, samo su ispravljene tu
i tamo interpunkcije, i velika slova su izmijenjena na početku stihova
sa malim tamo, gdje stih ujedno ne počinje novom rečenicom. Bilješke
koje se odnose na način pjevanja, stavljene su u zaporke. Pjesme
nemaju u rukopisu naslova, nego je iznad svake napisano ime mjesta
Mikovec što je u prepisu ispušteno. Pjesma br. 27 je iz Zamladinca.
/Napomene iz doktorske disertacije dr. sc. Tanje Baran/
S. Miholić, Matica hrv.104. red. br. 1.
LEPO TI JE RANO URANITI pred zoricu na jenu uricu. U zoricu vodice donesti ili iz baščice ili livadice. U livadi trava do kolena a vu travi bunar voda ladna. Kraj bunara list papira. Na papiru crna slova pišu, "Grehota je devojku lubiti, oblubiti, pak ju ostaviti! Kada odehnem sva se zemla gene, kad zadiše, sva se gora niše, kad zakune, do boga se čuje, kad zapeva, bogu je po vole."
S. Miholić, Matica hrv.104. red. br. 2
ŠETALA, ŠETALA NANIKA DIVOJKA po gori visokoj, po polu širokom. Začula lanika kojnica hrzati, kojnica hrzati, junaka plakati. Junak glavu digne, Nanika pobegne. "Ne beži, ne beži, Nanika divojka! Sim bliže korači, pak mi rane vrači. Ako ja ozdravim, tebe ne ostavim; ako ja vumernem, kojnić ti ostane." Junak je ozdravel, divojku ostavel. Junaku je veruvati, ko na ledu grad zidati, kamo veter z voju, tamo junak z volju.
S. Miholić, Matica hrv.104. red. br. 3
POLEGALA, POLEGALA TRAVA DETELINA Nju mi žela, nju mi žela gizdava divojka. Polegala trava detelina, nju mi žela gizdava divojka. Kaj nažela, to pred kojne dela: "Pite ječte mega braca kojni, ar mi bute dalko putuvali, čez tri mosta: voda je gliboka, čez tri pola: pole je široko, čez tri gore: gora je široka, čez tri šume: šuma je visoka, gde ne more tica preleteti, ne dar bi ju kojnic prejahati
/Čini mi se da manjkaju jedan ili dva stiha, koje naći nisam još mogao, putuje se naime k njezinu dragomu. Prve dvije riječi svakoga stiha se opetuju./
S. Miholić, Matica hrv.104. red. br. 4
JAŠE, JAŠE MLAD JUNAK na na visokem kojnu; za sobum je dopelal sivoga sokola. "Dober večer, divojka gde je oča i majka?" - Otišli su vu goste, bratec sestra vu tance.- "Kam čum, kam čum, divoika, svojim vranim kojnem?" - Simoj, simoj, mlad junak v moje nove štale! - "Kam čum, kam čum, divojka, svojim sokolekom?" - Simoj, simoj, mlad junak na moj novi joblok! - "Kam čum, kam čum, divojka, sam sobum junakom?" - Ti buš, dušo, z menum spal, rožmer moj zeleni! - "Ako bude dragi sin, bude junak ko i ja; ako bude draga či, bude k...a ko i ti! Ako bude dragi sin, ja mu kupim opravu, dugu zelenu dolamu; ako bude draga či, ja joj kupim opravu, belu dolamu."
S. Miholić, Matica hrv.104. red. br. 5
"OJ DUBICE NOVI VARAŠ! Vidim dušo, da nemaraš, da se z drugim razgovaraš." - Da sem tica letela bi svoga lubu gledala bi. - "Moja luba prva gledi prva gledi pod zastavu." - Noge drži na kamencu i puščicu na ramencu. - Oj puščice pajdašice! Oj sablice zaručnice! Kamo ćemo maširati car nam hoće kazivati. On nam hoče oprav dati kam imamo maširati. Poglej bratic na planine kako vojska silno gine poglej bratic na sve strani, od kud Hrvat cara brani. Od magjarske desne ruke, to hrvatska težka muka. Primi baltu i sekiru, Ako Magjar ni pri miru.
S. Miholić, Matica hrv.104. red. br. 6
SADILA SEM BAŽULEK, DRAGI LUBI, sadila sem bažulek. Sprek Dunaja na vrtu, dragi lubi sprek Dunaja na vrtu. Idemo ga mi dva gledet, jeli zišel jeli ne. Zišel je i jocvel, trgnimo ga tri kite. Prvu kitu Jezušu drugu kitu Mariji trejtu kitu tvem dragomu vu čem dragi pojdeš na gosti. Mislili su dragi lubi da smo si mi dva dragi. Nismo mi dva dragi nek mi smo bratec i sestrica nek si jesmo bratec i sestrica.
S. Miholić, Matica hrv.104. red. br. 7
DEVOJČICA CVETJE BRALA, PAK JE ZASPALA. K njoj se šeče mladi junak, on ju zbudio. "Cvetje ti je povehnulo, što si nabrala. Dragi ti se oženio, što si zvolela." - Naj se ženi kud se hoće, prostora mu bilo. Pred njim trepče zlatna zastav, on je nevidi; Pred njim svira turska banda on je nečuje; Pred njim stoji čaša vina on je nepije; Pred njim stoji picek pečen On ga nejede. -
S. Miholić, Matica hrv.104. red. br. 8
BRODARKINJA VODU GAZI, Noge joj se bele. Nadkatanec bregom jaše rozgotom se smeje. "Očeš mene brodarkinja, ja ti dukat dajem." - Nisem takva brodarkinja, da dukate primam, nek sem takva brodarkinja da s junaci spavam. Imela sem dva tri sinka, jošče bi ih rada: Jednoga sem bogu dala, budi bogu hvala, drugoga sem caru dala, caru vojsku popisava, trejtega sem Budim dala kaj Budimom lada.
S. Miholić, Matica hrv.104. red. br. 9
MLADI PRELUČANI SINEKA ZAKLALI, Sineka junaka devet skol dijaka. Prelučki natarjuš dromni listek piše dromni listek piše, vu Budim pošila, vu Budim pošila svoje stare majke. Njegva stara majka ni ga veruvala, dok ni zagledala, kak je zagledala tak je zaplakala: "Sinek moj lubleni ja sem te karala, od svetloga cara: Nejdi cara služit, jer buš glavu zgubil." - Ja sem ga zeštimal, da bum služil devet godin dana, devet godin dana, velikoga travna velikoga travna prvoga frtala. Kak sem ga doslužil, tak sem glavu zgubil. -
S. Miholić, Matica hrv.104. red. br. 10
JUTRO RANO STANEM sedem pred zrcalo pak se česem do dvanajst to je sve premalo; Pak se šečem na pijac, gde divojke vidim. Svaku drugu vidim ja samo svoje nigde; Što je to vrag da moje ni! Drugi pjevaju: Koga vraga dela da je ni.
S. Miholić, Matica hrv.104. red. br. 11
TICA SEDI SREDI LUGA na nju meri mladi jagar. "Nemoj mene ustreliti ja ti hoću povedati." - Šta mi očeš povedati? - "Kak se očeš joženiti: Naj ti brati stare žene; Ona ti je navek tužna: Naj ti brati mlade snaše, ona ti vu krčmu hodi, v krčmu hodi,tance vodi; Nek ti beri mladu pucu, puno ruha malo kruha."
S. Miholić, Matica hrv.104. red. br. 12
"ODI SIM ODI SIM KRALEVA SESTRICE." - Nejdem borme nejdem borme pisana ptičice. Ja odletim u Turovo pole nazoblem se žita i pšenice. Gde pometem tu rožice devam na snašici peču podprašivam na divojki venek podprašivam pod junakom kojnek zahrzuva. -
Prve dvije riječi svakoga stiha se opetuju pri pjevanju.
S. Miholić, Matica hrv.104. red. br. 13
RASLA TRAVA KRAJ ZEMUNA GRADA nit ju pasu kojni nit volovi; nit ju gaze mladi regulaši s dugum puškum, kratkim bajonetom, kratkim bajonetom, kratkim pantrotašem. Joj puškice - moja pajdašice, Joj sablice - bratec i sestrice, Joj fišeki - sitna deca moja, kabanica - kuča kamenita, joj rukavi - po kuče ormari, rukavice - po kuče palice.
S. Miholić, Matica hrv.104. red. br. 14
"OJ MARICE KRČMARICE natoči mi kolbu vinca vino, vino lepo črljeno!" - Kak bi ti ga natočila, kad sem ključe pogubila. Vino,vino lepo črljeno! - Vu varoši pri Jendrašu Varaždinu pri Martinu. - "Što bu tebe travu kosil, kad bum ja pušku nosil. Trava, trava lepo zelena! Šte bu tebe lubku kosil, kad bum ja sablu nosil. Lubka, lubka lepo lublena! Šte bu tebe luba lubil, kad bum ja glavu zgubil. Luba, luba lepo lublena. Šte bu tebe vince pil, kad bum ja zemle gnjil. Vince, vince lepo črljeno."
S. Miholić, Matica hrv.104. red. br. 15a
IŠEL IVE NA PAŠU u zelenu livadu. "Kaj mi sinek si senjal?" - Ja sem majka ti senjal da su srdce vadili. - "Koja sinek najprva?" - Vi ste majka najprvi. - "Koja sinek za menu?" Je ti sinek sestrica." - Vi ste majka najprvi, nevesta je tajner držala, sestra se je za me molila. - "Kaj mene sinek jostavlaš?" - Mila majka, draga majka žarku lomaču. - "Mili Ivek dragi senek, kaj pak nevesti?" - Mila majka draga majka sav k.....ski kruh. - "Mili Ivek, dragi sinek, kaj pak sestrici?" - Mila majka draga majka sav široki svet.
Var. 15b
S. Miholić, Matica hrv.104. red. br. 15b
KIČENO NEBO ZVEZDAMI, po njem se pasu jovčice. Nje mni privača jovčarec. Zaspal je Ivek jovčarec njega mi majka budila: "Stani se Ive jovčarec." - Kak bi se majko ja vam stal kad su mi vile srdce zvadile. - "Poznaš li sinek koje su bile?" - Prvi ste bili vi majka druga je bila luba ma trejta je bila sestrica.- Vi ste mi srce vadili luba je tajner držala sestra je svečum svetila. -
(Ovu pjesmu čuo sam prije desetak godina po prilici ovako pjevati. Varijacija pjesme br. l5a)
S. Miholić, Matica hrv.104. red. br. 16
PREKO SAVE, DRAVE CIMER TRAVA RASTE,
Nje mi privrača Ivek sinek. Njega zvala njegva stara majka: "Odi dime sinek Ivek bum te oženila." Ive z glavum kreče, Magjarkinje neče; Ive z glavum kreče, da turkinje neče; Ive z glavum kreče, da on lubu oče.
S. Miholić, Matica hrv.104. red. br. 17
"DIL DIVOJKA; JELI DOM MAJKA, kaj ti doma dela?" - Bele ruhe spravla, čim bu mene zamuš dala. Nezna sama za koga me dala, Ili za junaka ili za soldata. Soldatu se vele kruto rano stati, kruto rano stati, sveču vužigati; Sveču vužigati. clpel nabiksati, cipel nabiksati, glavu načešlati; Glavu načešlati, ruke vumivati; Ruke vumivati, mandur iskefati mandur iskefati, torbu napuniti; Torbu napuniti, dalke putuvati; Dalke putuvati, prek čerlenog morja prek čerlenog morja od kud shaja zorja. Od kud shaja zorja, počekaj me zorja da ja videl budem, koga lubil budem koga lubil budem; Mandicu divojku. tanku i visoku visokoga čela visokoga čela vsigdar je vesela.
S. Miholić, Matica hrv.104. red. br. 18
SVOJOJ BARŠUN KUPI, a moj meni neče. Ubila te žalost moja, zakaj sem pak tvoja. Svaki svojoj pojas kupi, a moj meni neče. Ubila te žalost moja, zakaj sem pak tvoja. Svaki svojoj čizme kupi, a moj meni ne če. Ubila te žalost moja, zakaj sem pak tvoja. Svaki svojoj peču kupi, a moj meni ne če. Ubila te žalost moja, zakaj sem pak tvoja. Svaki svojoj prsten kupi, a moj meni ne če. Ubila te žalost moja, Zakaj sem pak tvoja.
S. Miholić, Matica hrv.104. red. br. 19
KAM SI HODIL, GDE SI BIL kaj si čizme zarosil." - Išel jesem v dolnji kraj, tam bi lubil nemam kaj. Išel jesem v gornji kraj, tarn sem lubil imam kaj. Šetal sem se po pijaci poznal sem ju po koraci. Šetal sem se po štacunu poznal sem ju po zobunu.
S. Miholić, Matica hrv.104. red. br. 20
"DREMLE MI SE MAJKA, SPALA BI DIVOJKA." - Nalezi se čerko očku na kolenca. - "To je meni majka nepovolno mesto." - Nalezi se čerka bratcu na kolenca. - "To je meni majka nepovolno mesto." - Nalezi se čerka majke na kolenca. - "To je meni majka nepovolno mesto." "Dremle mi se majka, spala bi divojka." - Nalezi se čerko lubu na kolenca. - "To je meni majka povolno mesto."
S. Miholić, Matica hrv.104. red. br. 21
GOLUB GUČE,GOLUB GUČE U ZELENOM LUGU. "Pil bi vodu, pil bi vodu s dalekoga jarka. Idi bratec, idi bratec mene po vodicu." Išel bratec, išel bratec ne donesel vode. Golub guče, golub guče u zelenom lugu. "Pil bi vodu, pil bi vodu z dalekoga jarka. Idi sestra, idi sestra mene po vodicu." Išla sestra, išla sestra ne donesla vode. Golub guče, golub guče u zelenom lugu. "Pil bi vodu, pil bi vodu s dalekoga jarka. Idi očka, idi očka mene po vodicu." Išel očka, išel očka ne donesel vodu. Golub guče, golub guče u zelenom lugu. "Pil bi vodu, pil bi vodu s dalekoga jarka. Idi majka, idi majka mene po vodicu." Išla majka, išla majka ne donesla vode. Golub guče, golub guče u zelenom lugu. "Pil bi vodu, pil bi vodu s dalekoga jarka. Idi luba, idi luba mene po vodicu." Išla luba, išla luba donesla je vode. Dobila je, dobila je sto dukat. Išče k tomu, išče k tomu prsten zlat.
S. Miholić, Matica hrv.104. red. br. 22
DOLETEL JE SIVI SOKOL Z VUGERSKE ZEMLE. Donesel je sivo pero redom do zemle. "Služi mene sivi sokol jedno leto dan." - Nečum bogme mlada gospa niza jeden dan. - "Ja ti kupim na biks čižme zbiraj si je sam." - Čižme imam, lube nemam srdca veselje. "Ja ti kupim svilne lače zbiraj si je sam." - Lače imam lube nemam srdca veselje. - "Ja ti kupim svilni lajbec zbiraj si ga sam." - Lajbec imam lube nemam srdca veselje. - "Ja ti kupim kunu kapu zbiraj si je sam." - Kapu imam lube nemam srdca veselje. -
S. Miholić, Matica hrv.104. red. br. 23
SVA SE SILA NA FRANCUZA DIGLA Hej sva se sila na Francuza digla. Kojn do kojna junak do junaka: S leve strane magjerski husari. U sredini mladi regulaši; Plementeri da se broja ne zna.
/ Išče jene dva kotriga fale./ Svaki stih se u pjevanju opetuje predmetnuv mu riječ "hej".
S. Miholić, Matica hrv.104. red. br. 24
BELO CVETJE TULIPAN ovaj klinčec izabran lube deve dohajal jutro rano izabran. "Ja sem išel tam daleko tam na putu ja sem ostal sam na putu. Ja sem išel Cile dime Svojoj dragoj pod blazinu: Mila draga jas ne morem ništ pomoči ni vu danu ni vu noči. Ja sem išel na pol gajnka na pol gajnka sredi vraca. Je li čuješ mila draga je li spiš?" "Nemorem ti ništ pomoći ni vu danu ni vu noči ni vu jene potreboče."
S. Miholić, Matica hrv.104. red. br. 25
"DOJDI DRAGI K MENE dojdi dragi k mene
dragoj srce moje." - Kudar bi ti došel kudar bi ti došel dragoj srce moje. - Čez pole bi došel čez pole bi došel polar bi me videl. 1/ Čez šumu bi došel Čez šumu bi došel šumar bi me videl. Čez bašču bi došel čez bašču bi došel baščar bi me videl. Mej lube bi išel mej lube bi išel luba bi me vidla. 1/ Poslije svakoga dvostiha slijedećega opetuje se cijeli početak pjesme.
S. Miholić, Matica hrv.104. red. br. 26
DOŠLI JESO SNOBOČANCI, dremala rada spala bi ja. Došli jesu od kolara. Kolar veli rano stati, rano stati trešče brati, trešče brati vatru kurit. Dremala rada spala bi ja vatru kurit, vodu stavlat, vodu stavlat, zele rezat. Dremala rada spala bi ja. Krumpir belit, sirek druzgat sirek druzgat, kruhek rezat. Dremala rada spala bi ja.
S. Miholić, Matica hrv.104. red. br. 27
MLADOMU PRSTEN ZLAT, staromu štrik za vrat. Fiola jagoda rožica rumena. Mladoga na postel, staroga pod postel. Fiola jagoda rožica rumena. Mladoga pilničku staroga temničku. Fiola jagoda rožica rumena. Mladomu pogačku staromu korbačku. Fiola jagoda rožica rumena.
S. Miholić, Matica hrv.104. red. br. 28
"TICA SEDI NA TOPOLE a moj mili na javoru mene boli živo glava." - Ja ti zbiram takvu travu čem bum vračil tvoju glavu. - O Marija jorunjena s božim duhom nadehnjena. Nit je zima nit je suša ti si vendar moja duša. Svaki stih se opetuje.
S. Miholić, Matica hrv.104. red. br. 29
"SKUPA SME SE STALI FANTIČEK MOJ Kaj pa bu za froštukel, fantiček moj." - Ti daš kavicu ja dam žemlicu soldat Micika ti pak z nami buš. - "Skupa sme se stali fantiček moj. Kaj pa bu za jobet fantiček moj." - Ti daš govedinu, ja dam rezančić, soldat Micika ti pak z nami buš. - "Skupa sme se stali fantiček moj kaj pak bu za južinu fantiček moj." - Ti daš pečenčicu, ja dam šalaticu soldat Micika z nam i buš. - ti pak "Skupa sme se stali fantiček moj kaj pa bu za večeru fantiček moj." - Ti daš slaninicu, ja dam zeliče soldat Micika, ti pa z nami buš. - "Skupa sme se stali fantiček moj, kaj pa bume pili fantiček moj." Kruto rujno vince iz pilnice soldat Micika ti pa z nami buš kruto rujno vince iz pilnice.
S. Miholić, Matica hrv.104. red. br. 30
ZBOGOM Z BOGOM ZAGREB VARAŠ/KU/ Zbogom zbogom Zagreb varoš ku ku roža ku.
Zbogom zbogom Zagreb varaš koj mladence na zlo spravlaš. Zagreb varaš vrt zeleni vrt zeleni, cvet rumeni; Gde se beru bele rože bele rože fiolice. Svaka svomu mil dragomu, ja sirota nemam komu. A moj dragi v ravnom polu,
Niti orje niti lači več za menum milno plači.
Svaki stih ima pripjev "ku", zatim se cijeli opetuje sa pripjevom "ku ku roža ku."
S. Miholić, Matica hrv.104. red. br. 31
LIPA MOJA SINOKOŠA Gde mi raste trava rosna Nju mi beru devojčice fiolice. "Komu bereš? Komu, komu" "Ja bogica nemam komu. Koprivničke bele hiže, gde moj dragi s perem piše. Niti piše nit spisuje, več za menum pomišluje. Koprivničko ravno pole, gde moj dragi s plugom orje. Niti orje niti pluži, več za menum milo tuži. Koprivnice još terice, gde moj dragi vino pije. Niti pije nit pretače več za menom milo plače."
S. Miholić, Matica hrv.104. red. br. 32
SUNČICE JE NA ZAHODU ZAJTI MU JE, naše mlade na pohodu pojti joj je. Kaj daruju starešina vreme im je. Koji neče daruvati zamer im je. Sunčece je na zahodu zajti mu je, našej mlade na pohodu pojti joj je. Naj daruju gospon čestnik vreme im je koji neču daruvati zamer im je. Sunčece je na zahodu zajti mu je, našej mlade na pohodu pojti joj je. Naj daruju gospon dever vreme im je koji neču daruvati zamer im je. Sunčece je na zahodu zajti mu je, Našej mlade na pohodu pojti joj je. Naj daruju zajni svat vreme im je koji neču daruvati zamer im je. Stoper sme se razigrale ne dar bi se razhajale vreme je, vreme je tančece voditi.
S. Miholić, Matica hrv.104. red. br. 33
PI BRATEC PIJ pak glajžek nalij. Angel, Jezuš nas nebe vodi ideme pojdeme z veseljem za njim.ideme Ideme pojdeme z veseljem za njim. Pi bratec pij pak glajžek nalij.
S. Miholić, Matica hrv.104. red. br. 34
LE GA PIJ, LE GA PIJ sam te bog živi. / poslije ispite čaše / Jer si popil ovu čašu vreden jesi ljubav našu.
S. Miholić, Matica hrv.104. red. br. 35
BOG NAM JE STVORIL ZEMLICU zemlica rodi trseka trsek nam rodi dve rozge rozga nam rodi tri grozda. Jeden se zove Štefek moj drugi se zove Kata ma trejti se zove Marija Bog nas poživi svih troje. Svaka zadnja riječ u stihu se opetuje, a onda cijeli stih.
S. Miholić, Matica hrv.104. red. br. 36
GJURDJEK NAM JE KRES NALOŽIL na Gjurdjevo na večer. Na večer. S levu ruku venek vijal s desnu ruku kresek kuril. Nestalo mu malo zlata malo zlata za dva lata. "Idi si ga k majki presit." - Daj mi majka malo zlata. - - Ne dam ne dam sinek Gjurek mene zlato drago stoji svaka latca dva dukatca. - "Idi si ga k bratu presit." - Daj mi bratec malo zlata. - - Ne dam ne dam bratec Gjurek mene zlato drago stoji svaka latca dva dukatca.- "Idi si ga k sestri presit." - Daj mi sestra malo zlata. - - Ne dam ne dam bratec Gjurek mene zlato drago stoji svaka latca dva dukatca. - "Idi si ga k lube presit." - Daj mi luba malo zlata. - Dala luba malo zlata malo zlata za dva zlata. Bolša luba neg sva družba. Poslije svakoga stiha pjeva se pripjev: "Na Gjurdjevo na večer na večer".
S. Miholić, Matica hrv.104. red. br. 37
IGRALA SE ZLATA JABUKA trikrat je na kla opala pred gospodinom na stolec. Pred gradom vrata razbila. Četvrtomu oblučec. Pod oblučcem klupčica na čem mi sedi divojka drobne mi švele šivala, junaku svilu davala. "Oglej se junak na pole je li mi idu svatovi?" - Idu ti idu divojka. - "Trepče li zastav pred njimi?" - Trepče ti trepče divojka. - "Zvone li lubu ostruge?" Zvone ti zvone divojka. - "Vene li trava za njimi?" - Vene ti vene divojka. -
S. Miholić, Matica hrv.104. red. br. 38
OJ JABUKA ZELENIKA lepim cvetom ocvetala, svaka svržca po jabuka, na vrhuncu po četiri, na nje sedi sivi sokol. On mi gledi v ravno pole, gde vojvoda obeduje; I vojvodič kojna kuje. Koje kojna na sve noge na sve noge sve četiri da mu kojnič ne uteče. Poslije svakog stiha opetuju se njegove prve dvije riječi.
|
|
